monumenta.ch > Augustinus > sectio 4 > sectio 58 > sectio 11 > csg458.12 > sectio 47 > csg457.21 > 19 > sectio 39 > 27 > 18 > sectio > sectio 21 > ubk4°Ms.theol.2.29 > csg457.5 > sectio 12

Word Selection for Searching

Report an Error in this Sectio
Seneca Maior, Controversiae, 10, 4, 12
Deinde, an, si laesa est res publica, ab hoc laesa sit. non a me, inquit, sed a parentibus, qui proiecerunt. hic crudelis, ut multum illis abstulerit, vitam reddidit. contra ait: illi singulos exponunt, tu omnes debilitas; illi spem, (tu instrumenta vivendi) detrahis. Deinde, an teneatur rei publicae laesae, si fecit quod ei facere licet. non potest, inquit, ulla res lege damnari, quae lege (per)mittitur. si domum meam diruo, numquid dicis me rem publicam laedere? et poteras describere, quam inhumanum sit illos parietes maiorum in nostram usque perductos memoriam in hostilem modum deici. (numquid dicis,) si in agris meis arbusta succidere velim?